Doctor QuackQuack!

Hay naku naku, talaga naman! Aatakihin ako sa alta-presyon sa mga doctor dito e.
Nung sabado, nag-iiyak si little boy pag gising. Masakit daw loob ng tenga nya.
Knowing little boy na di iyakin, alam ko na me masakit na talaga so direcho na kame agad sa clinic. Hetong doctor, ang sabi "I suspect there is an infection." Grrrr! Gusto ko kotongan e! Gusto ko sabihin, "Yeah huh! I suspect that as well, and that's why I'm here cause I want you to confirm it!!!!!!"

Heto ngayon, kina-mondayan nilagnat na si little boy. Tapos kahapon me discharge na ng fluid ung ear nya at feeling ko meron sya yellow and reddish spots sa arms and legs. Yung parang maputla ang skin nya. So nagpa sched ako kanina sa doctor. (Ibang doctor na to.)

Sabi nya, there is an infection. Binigyan ako ng drops at tinuruan punasan ang tenga ng anak ko. (Yep, as if naman hahayaan kong bahain ng tuga ang balikat ng anak ko.)
So alam ko na nga na may otitis media anak ko, so ang tinanong ko ulit ung lagnat. Bakit nilalagnat at bakit parang maputla at me mga spots. Ang sagot, "might be because of the fever." Oh my!!!!!! Gusto ko magwala sa clinic at mag-sisigaw ng mga wala kayong wentaaaaaa!" Grrrrr talaga!

Hay hay hay!!!

Mother, mother, I am sick!
Call the doctor very quick!

Hindi naaaaaa!

My little one.

Ang aking baby na di na masyadong baby.
Ang bilis ng panahon. Mag 1-yo na sya.
Nalulungkot ako. Wala na akong baby.

yes, i am weird.

natutulog ang aking dalawang iho. ewan ko at bigla ako nakaramdama ng lungkot. bigla kasi tumahimik ang bahay.

naisip ko bigla, pag malalaki na sila at nag asawa na, magiging ganito katahimik ang bahay. gusto ko maiyak!

sa ngayon naiinis ako pag pasaway si kuya at ayaw magpababa ng buhat ni bunso. pero nakakalungkot pala pag tahimik na sila. feeling ko empty ang bahay. aalog alog ako.

so ngayon, ie-enjoy ko na ang kuya's kalat and baby's ngawa.

malapit na silang lumaki. malapit na nila ko iwan. =( huhuhu....

ayawwwwwww!

Shhhh....Tulog na...

Tulog na Story # 1:

Tina-try na namin si little boy matulog mag-isa nya sa room nya.

So para gustuhin nya matulog sa bed nya, sya na pinapili namin ng kama nya. Ang pinili nya ung parang double deck. Ung me hagdan,tapos me pull out table at me cabinet ung ilalim.

Eto ngayon, gabi gabi na lang iba iba ang rason. Kesyo, di sya makatulog kasi nagbabasa pa daw ako sa room namin. (oh, di ba! me mairason lang)

So, naisip namin ni mahal, isa sa amin ang sasama kay little boy hangang sa makatulog sya. Tapos iwan na lang pag tulog na. So, naglatag sa lapag ng room ni little boy si mahal at inantay nya makatulog si little boy. Ako naman nasa master's bedroom at nagpapatulog kay bebe boy.

Matapos ang mga isang oras at ilang minuto, me nagapang sa kama ko. Aba! ang little boy ko. So ask ko asan Daddy nya. Sabi nya....

"Shhhh.... Andun, tulog na sya.Wag ka na maingay mommy. Magigising sya."

Alamak! Yung magpapatulog ang nakatulog. Tama ba yun!

----------

Tulog na Story # 2:

Mga two months ago, sabi ko kay mahal magla-latag ako ng isa pang matress sa lapag para dun ihiga si bebe boy pag tulog na kasi nga sumisikip na kame sa kama. Kaya lang sabi ko parang nakaka-awa naman bebe ko pag sa lapag mag-isa.

Tapos nga ngayon, tntry ko na si little boy matulog sa room nya mag-isa. Since di pa makapag isa sa room nya naisip ko na sa lapag muna ng room namin sanayin. Para pag sanay na sya mag sleep magisa sa lapag,naisip ko na mas madali na para sa kanya matulog sa room nya mag-isa.

So pinahiga ko na sa lapag. Nahiga naman. Ni walang struggle. Aba, ayos ah! Sakesful ang idea ni mommy!

Tapos sabi nya "Mommy, di ba si baby kawawa naman pag matutulog mag-isa dito sa lapag." Sagot ko, "yep. (isip ko, aba galing a natandaan nya pa un e ang tagal na nun.) Meron pa palang mas magaling na hirit dun... pagka sagot ko ng oo, sabi nya "eh di kawawa rin ako, kasi mag-isa lang ako natutulog dito sa lapag?"

HAYYYYY! simpleng banat. E di syempre, nakunsensya si mommy. Ano pa nga ba ang masasabi ko kundi, "okay nakong, lika na dito sa tabi ko para di ka na kawawa."

----------

Tulog na Story # 3:

Tignan naman natin ang galing ng ninang nya.

Sabi ng ninang nya, para maging brave sya at makatulog mag-isa sa room nya e mag-aral sya magkarate.

Kinagabihan na kailangan ko na sya patulugin, eto ang sabi nya...

"Mommy, sabi ni ninang para makatulog ako sa room ko dapat marunong ako magkarate. E hindi pa ko nag-aaral ng karate e. Kaya hindi pa ko pd matulog sa room ko. Dun muna ko ulit sa room nyo ni daddy ha? Okay?"

Hetong si ninang, dumagdag pa sa problema ko e! Dati problema ko lang patulugin sa room si little boy. Ngayon, problema ko pa pag-aaral ng karate! Aiyoh!!!!

----------

So ang ending, kasama pa rin namin little boy sa room.

TOINK!